Skóla var slitið í dag með athöfnum í Fossvogskirkju, fyrst hjá yngri nemendum og síðar hjá þeim eldri.  Að þeim loknum var gengið til skóla, snæddar pylsur í sumarblíðunni og nemendur og starfsfólk kvöddust.  15 nemendur útskrifuðust  að þessu sinni, og voru þeir leystir út með gjöfum.  Þá var þeim haldið kaffisamsæti á kennarastofu svo sem venja er við þetta tilefni.  Myndir frá skólaslitum má finna í myndasafni, en einnig myndir frá gærdeginum, þegar verðlaun voru veitt fyrir íþrótta- og námsafrek.

Nemendur og aðstandendur þeirra hurfu svo á braut út í sólina, en starfsfólki skólans bíður nokkurra daga vinna í frágang áður en þeir halda einnig út í sumarið.  Nemendum skólans, aðstandendum þeirra og starfsfólki er óskað gleðilegs sumars, og ánægjulegra  endurfunda að því loknu.